كيف تعرف أنك في مصر ... ( اجتماعي ساخن و ساخر 2012

كيف تعرف أنك في مصر ... ( اجتماعي ساخن و ساخر )
كيف تعرف أنك في مصر ... ( اجتماعي ساخن و ساخر )

السلام عليكم ورحمة الله وبركاته

كيف الحال يازوار وكتاب وأعضاء ساحة مصر الشامخة

لي زمااان ما اكتب شي وبصراحة هذا الموضوع من زمان يراودني وكثير من

المواضيع لكن اتكاسل أكتب المهم الجو حار جداً نهاراً...جميل جداً ليلاً

وخاصة في هذا الوقت ومع قرب الفجر تحلو القراءة و متابعة بعض المواضيع

موضوعي اليوم اجتماعي ساخر جايبته من كتاب " شكلها باظت "

لعمر طاهر....الكتاب عندي من زمااان و راح اكتب مقتطفات منو

وان شاء الله تعجبكم واتمنى محد يزعل علينا بس حابة نكسر الروتين من واقع

كلنا شايفينو ..

في مصر فقط ...

في مصر فقط ... يمتلك المواطن مهارات خاصة في ركوب الاتوبيسات المسرعة
والتسلل الى العمق أو الوقوف بأطراف أصابع القدم على آخر درجة في السلم ..

في مصر فقط ... تنشب الصداقة سريعاً وفي أقل من ثوان في اشارة مرور أو طابور
في مصلحة حكومية أو في الاسانسير ...

في مصر فقط ... " ادفع وبعدين اشتكي " .

:::::::::::::::::::::::::::::::::::::

ازاي تعرف أنك أتربيت في بيت مصري ...

(أشهر الجمل اللي بيقولها الأب والأم في مصر) ...

- مش عايزة أسمع صوت . ( وهذه الجملة تدريباً مبكراً على تقبل القمع والدكتاتورية
الذين ستواجهما طوال حياتك )

- ماتردش عليا . وهي نصيحة اذا التزمت بها ستكسب مديرك بالعمل .

- تقعد في أول صف قدام السبورة . وهي جملة تعودك على أن تكون في المقدمة دوماً .

- لو مش فاهم حاجة...ارفع ايدك وقول للأستاذ مش فاهم ماتتكسفش...( فاكرين المدرسين
زي اللي كانوا على أيام زمان ) .

- ومالها الكتب بتاعة الوزارة .؟!

- بص كويس وانت بتعدي الشارع .

- متتأخرش بعد المدرسة وتقعد تصيع مع اصحابك...وهي نصيحة ستحقق لك قدراً من
السعادة الزوجية فيما بعد اذا تعودت على أن تكون رجلاً من الشغل للبيت .

- افرد ظهرك .

- مافيش مذاكرة على المزيكا...أو...بتذاكر ازاي والبتاع دا شغال جنبك .

- ماتمشيش حافي في السقعة دي .

- صليت العصر ؟!

- ربنا يهديك...ربنا يهديك, وأحياناً ..انك لا تهدي من أحببت .

- اطفي التلفزيون وقوم ذاكر , أو...اطفي التلفزيون وقوم خش أوضتك ..

- بلاش وقفة الشبابيك والبلكونات .

- كفاية رغي في التليفونات .

- ماتقعدش قدام المروحة وأنت مستحمي .

- المسلسل مش هينفعك...قوم

- وانت فاكر احنا مستنسيين منك حاجة ؟!

- ماتعليش صوتك .

- بلاش لعب في الشارع ..

- ياابني اللي ذاكر ذاكر خلاص ...قوم نام

- بلاش لعب بالمقص .. بيجيب الفقر .

- اوعى تكذب عليا تاني مرة .

- لازم تاكل سلطة

- لو شفت خناقة مالكش دعوة بيها

- عيب...لازم تحترم اللي أكبر منك

- كلمنا لما توصل

- مالكش دعوة بالسياسة

- بلاش أكل بره

- انت فاكرنا نايمين على ودانا ؟!

- قوم اقرأ لك كلمتين ينفعوك

- انت فاكرنا لاقيين الفلوس دي في الشارع

- والله ما أنت فالح ... وآدي دقني اهه

- ماتتكلمش بصوت عالي في الحمام

- ماتنامش غير لما تغسل سنانك

- ماتلزقش في التلفزيون كده...نظرك حيضيع

- ضرب أمثلة تشجع على الكفاح وأشهرها " أحد الأقارب اللي كان يذاكر على لمبة
الجاز أو على نور العامود في الشارع ونجح وخد الدكتوراة وسافر أمريكا "

- سلم على عمك كويس ياولد

- التهديدات المخيفة شكلاً والكارتونية مضموناً ... مثل هاقطم رقبتك أو هاقطع ايدك
أو هاقطع لك لسانك...أو هادبحك دبح

- ربنا يرزقك بعيل يوريك اللي ورتهوني

- نسيت تشرب . نسيت تاكل ؟ نسيت تقول هاتو مصروف ؟ نسيت تعكنن عليا ؟

- طلع ايدك من جيبك وانت بتكلمني ..

- عايز أبص الاقيك قدامي دلوقتي فوراً

- ماتتشقاش في الفسحة وكل سندوتشاتك كلها .

- آدي اللي أنت فالح فيه .

ماتلاحظوا في شبه كبير بين البيت المصري في التربية والبيت السعودي
الجمل متشابهها مع اختلاف اللهجة

كيف تعرف أنك تسير في أحد شوارع القاهرة ؟؟

ممممممممم بكمل بعدين بالرد الثاني ان شاء الله عشان في أشياء كثير عجبتني

ومشغولة الآن...

نصيحة اللي يخش الموضوع يشرب كاسة عصير ليمون مع ثلج
يعني المقصد يكون مروق المعصب والزعلان والمكتئب والطفشان يروح على جنب اذا

الليمون مافاده معناته حالته مستعصية يروح ينام أحسن

و على فكرة أنا كنت حكتب عن ( كيف تعرف السعودي والسعودية في مصر !! ) بقلمي

بس متأكدة راح تزعلوا علينا قلت اكل العنب حبة حبة

تحيتي

» كيف تعرف نفسك 2012
» ازاى تعرف انك فى فرح مصرى ؟؟2012
» تعرف على اســـــراااااااااا ر البناااااااااااات ..حتى تتمكن منههههههن!!!!!!!!!!!!!!!2012
» كيف تعرف أنك تشاهد التلفزيون السوري !!2012
» كيف تعرف شخصيتك من خلال تاريخ ميلادك ؟؟؟؟؟؟؟؟؟؟ 2012